كيف تعتق برفان
بما انا في ناس كتير بيشتكوا ان في برفانات في ماى واى بتكون
مش ثابتة و مش واخدين بالهم ان البارفان دة بيكون من المصنع
لى اديكي مباشرة لان لو لاحظتوا ان تاريخ الانتاج بيكون ما مررش
علية اكتر من شهر او شهرين مش زي ما بتكوني شارياة مثلا من
محل و قعد عندة وقت علي ما باعة و بيكون في خلال الوقت دة
اتعتق فانا جبتلكم طريقة جديدة لتعتيق البارفانات سهله و سريعة و
عملية جدا جدا جدا كان فى الاول بيتقال الفريزر والمكان مظلم
وعدم التعرض للضوء والكلام ده كله بس الحقيقه فى طريقه
عجبتنى جدا جدا و جابت نتيجه اكتر من رائعه وتنفع فى تعتيق
البرفان زمان كان العرب فى الجزيره العربيه والفراعنه كانوا بيخمروا
العطور بتاعتهم فى الرمال والقش و بتفضل فترات متفاوته و فى
عرب سيوه والسلوم يلاحظ ان العرب بيعتقوا العطور بتاعتهم فى
شئ واحد هوه الرده اللى بيتعمل منها العيش البلدى المصري
الردة دى ناس كتير لو سالتها بتخلى المانجو تستوى بسرعه ازاى
حطها فى رده لمدة يومين او يوم تيجي تلاقيها بقت زى العسل
ومستويه اوى وفعلا العرب بيعلموا كده فى تعتيق العطور بتاعتهم
وكمان فى معلومه بالنسبه لتعتيق الكحوليات الاجانب لما بيحبوا
يباهوا انواع الخمور بتاعتهم بيتباهو بالازازه اللى تاريخ انتاجها اقدم
من التانى وكمان بيعتقوها ازاى بيحطوها فى صندوق مليان قش
معنى كده ان موضوع التعتيق الصحيح لاى منتج داخله كحول
علشان يكون انتاجه بكفاءة عاليه لازم يتعتق فى رده او قش ودى
نصيحه لكل اللي بيحب يعتق عطور كتيره او حتى قليله والفتره
اللى بتعتق فيها الازازه فى الرده او القش 30 يوم بمقام تعتيق
زجاجة برفان لمدة عام و نصف فى الهدوم
