طريقه عمل اللانشون البيتى 

كتيير مننا مش بيحب يجيب اى اكل من بره وعادتى بحب اخترع اكلات واحاول اوصل لنفس طعم الاكل اللى بره وبفايده اقل 

طبعا هايوفر كتيير جدا زي توفير الفلوس وغير ان اللانشون البيتى انتى ضامناه مش زى بتاع بره اللى مانعرفش عامل ازاى ولا بيصنعوه ازاى 

الحمد لله عملت لانشون من غير لحمه و  نوتيلا بالبندق من غير بندق
وجبت  عبوات  بلاستيك صغيره وحطتها فيها زى الجاهزه لان الاطفال بتحب تاكل ف علب كأنهم شرينها من بره تشجيعا ليهم بالظبط زى الجاهزه ودى اول تجربه ليا ونجحت بفضل الله قولت افرح اولادى بدل الحجات الجاهزه اللى ف الشارع مش معروف مصدرها خلينا نشجع بعض بأفكار وابتكارات يمكن نقدر نسعدهم رغم تقصيرنا تجاههم بحكم الظروف والنفسيه
ياريت كل واحده تحطوا صوره او فكره لتجربتها فى اى شئ ابتكرته لاولادها خلينا نستفاد من بعض ياريت ❤

 اللانشون

المكونات 

3 فصوص حبهان
3 مرقة دجاج
3 ملاعق دقيق
3 فص ثوم
1 ملعقة نشا
نصف كوب صغير زيت
5 قطع نستو
3 بيضات
زيتون مقطع
و3 ملاعق زيت زيتون

الطريقه

كله ف الخلاط مع لون احمر (موجود عند العطار ) بطرف المعلقة ويخلط كويس
ويصب ف كوبايه وجواها كيس بيحث يبقا سهل تخرجها م الكوبايه تتحمل الحراره فى حله بيها ماء مغلي وتحط فيها الكوبايه لمدة ساعه وربع وتطلعها تبرد وتقطعها شرايح بنفس اللون والطعم والريحه
.

 النوتيلا

5 ملاعق كاكاو خام كنت جايبه نوع نضيف جدا جالى هديه من حد راجع م السفر❤
كوب سكر
ملعقة قهوه
كيس نسكافيه بندق ونصف كوب زيت وملعقتين زيت زيتون "اختيارى"
ف الخلاط كله والزيت بيتحط ف الخلاط وهو شغال تدريجى
والف هنا نفس الطعم بالملى

انا مش بفرض على حد يعمل اللى عملته خالص فكرتى ونجحت وفخوره بنفسي جدا دى مش مشكلة اى حد الهدف هو مشاركة الافكار وليس فرضها